Parang Manok na Inasal, Parang Burger na Mahal

Hindi ako makata pero hindi ko rin alam kung anong sumagi sa sabaw kong utak at naisipan kong i-text ang aking mga kaibigan sa most 'tataas ang kilay nila sa langit' way possible. 

Kanina sa Pan Pil 19 ay nagsuri kami ng ilang tula at tinuruan kung papaano bumasa at umintindi nito. Sinaniban ata ako ng espiritu ng Pan Pil overload ko at naisip kong mag-text patula. Wala lang. Gusto ko lang maiba naman. Go beyond the norms at from the expected. Maarti lang talaga ko. Yes, tomoooh? TOMOOOH!

Minsan lang naman talaga ako mag-load sa globe. Pag marami lang itetext or may kailangan tawagan na naka-globe din. Tila mas alarm clock na nga ang teleponong iyon kaysa isang machine for text and calls. Kung may masipag man mag-text doon, syempre nangunguna si 'globeee.' Ang sweet nga eh. Di niya ako nakakalimutan. At di lang once a day kung iyon ay magtext. Minsan, twice o thrice pa. At kahit isnabin ko siya at di ako mag-reply, patuloy pa rin siya...araw-araw, walang sawa. Okay, so in short, ganoon ka-api yung cellphone ko. Kanina, naisip kong magpa-load. May ilang mga tao kasi akong kaylangan i-text at medyo tinablan na rin ako ng hiya gamitin ang naka-plan kong sun phone bilang di pa ako bayad sa bill ko roon. 

*Create Message*

1. To: Karen and Chikki (10:38 AM)

Ako'y inyong patawarin

Pagkat mamaya'y di makakarating

Kaarawan ni ina ang dahilan

Kaya ako ngayo'y mang-iindyan

Hindi ko alam kung bakit natula

Sorry lang naman ang hinahanap na salita

Sige, next time na lang

Promise tayo ay magdiriwang

2. To: Oshin (10:49 AM)

Puting form ay nakuha na

Init ng araw aking ininda

Ngunit ito ba'y maaaring itupi?

Tanong ko sa iyo ngayong sandali

Pakiramdam ko ako'y naiinip

Kaya sa tula ako'y bumabaling

Nakaupo ngayon sa isang tabi

Naghihintay sa iyong sabi

3. To: Ystal (10:59 AM)

Tanghalian ay malabo

Pagkat ako'y nasa malayo

Bukas tayo'y magkita

Upang magsalo at mag-chika

Latin ay kamusta?

Nawa'y ikaw ay nakapasa

Salamat uli kahapon

Iyong galingan nang makarating doon

4. To: Hannah (11:00 AM)

Sa pagdating ay magsabi

Nang kinaroroona'y mawari

Narito lamang ako sa isang tabi

Nagiisip ng sunod na tutunguhin

5. To: Hannah (11:12 AM)

Ako'y nasa lobby

Kung nasaan ka di ko masabi

Text ay makakatulong

Nang di to magmukhang isang bugtong

6. To: Rizzi (1:23 PM)

Kulay ng buhok di na mawari

Ito ngayon ay nahahati

Ninanais kong ipabago

Ngunit salapi'y tuluyang napako

Tuluyan na ata akong nilamon

Ng wika kong hinamon

Marahil ay kasalanan nga niya ito

Puso ko tuloy hindi na ata bato

7. To: Oshin (1:31 PM)

Pagtula pala ay masarap

Ngayon ay unti unti nang nalalasap

Parang manok na inasal

Parang burger na mahal

----------------------------------

Huwag sanang matakot

Sa mensaheng aking dulot

Gusto lamang kitang pangitiin

Upang lungkot mo ay pawiin

Pagtula for fun. Tama, iyan na lang new hobby ko.